Կանոններ
Սարյան միջազգային մրցույթը մեկնարկում է 2026թ.-ի փետրվարի 28-ին:
Մրցույթը կազմակերպվում է՝ նպաստելու տարբեր երկրների նկարիչների միջև մշակութային երկխոսությունը և խրախուսելու
համամարդկային արժեքների արտահայտումը կերպարվեստի
միջոցով։
Սարյանի անվան նկարիչների միջազգային մրցույթն անցկացվում է երկու փուլով՝
- Առցանց նախնական փուլ,
- Եզրափակիչ փուլ Հայաստանում՝ նկարների ցուցահանդես-վաճառքով և մրցանակների շնորհմամբ։
Մրցույթին կարող են մասնակցել աշխարհի բոլոր երկրներից 18 տարին լրացած նկարիչներ։
Թույլատրվում է ներկայացնել մինչև 3 աշխատանք, որոնք այլ մրցույթների ներկայացված չեն եղել։
Մասնակցության վճարը՝
- 1 աշխատանք՝ 30 ԱՄՆ դոլար,
- 2 աշխատանք՝ 50 ԱՄՆ դոլար,
- 3 աշխատանք՝ 100 ԱՄՆ դոլար։
Հայաստանի քաղաքացիների համար վճար չկա:
Աշխատանքները պետք է լինեն հեղինակային և վերջին 1 տարվա ընթացքում ստեղծված:
Ներկայացվող աշխատանքը պետք է լինի ամբողջությամբ ձեռքով նկարված՝ առանց որևէ թվային, մեխանիկական կամ արհեստական բանականության (AI) միջամտության։
Թվային կամ AI գործիքներով ստեղծված կամ մշակված աշխատանքները չեն ընդունվի։
Այս տարվա մրցույթի հիմնական թեմաներն են՝
- Մարդը
- Ազատություն
- Վերածնունդ
- Լռություն
- Մետամորֆոզ
Մասնակիցները կարող են ընտրել թեմաներից մեկը կամ ներկայացնել աշխատանք, որը ներառում է մրցույթի ընդհանուր գաղափարախոսությունը՝ մշակութային երկխոսություն և համամարդկային արժեքներ։
Հայտերի ներկայացման վերջնաժամկետն է 2026թ.-ի հուլիսի 1-ը:
Նախնական փուլում աշխատանքները ներկայացվում են առցանց՝ էլեկտրոնային ձևաչափով (JPG կամ PNG, բարձր որակով, մինչև 10 ՄԲ չափով)։
Լուսանկարը, որով ներկայացվում է նկարը, պետք է լինի բարձր որակի․
- նվազագույն չափը՝ 3000 px,
- ֆայլի ձևաչափ՝ JPEG կամ PNG,
- լուսավորությունը՝ բնական կամ չեզոք (առանց ստվերների կամ փայլերի),
- նկարը պետք է ներկայացվի առանց շրջանակի կամ արտացոլումների։
Յուրաքանչյուր աշխատանքին պետք է կցվի՝
- Վերնագիր
- Չափեր
- Տեխնիկա
- Ստեղծման տարի
- Կարճ նկարագրություն (մինչև 500 նշան)։
Ընտրված 7 մասնակիցները կհրավիրվեն եզրափակիչ փուլ՝ Հայաստան, որտեղ ներկայացված աշխատանքները կցուցադրվեն ցուցահանդեսում։
Մրցույթին մասնակցելու համար անհրաժեշտ է լրացնել հետևյալ հայտադիմումը և ամբողջությամբ լրացված և ստորագրված հայտի հետ ներկայացնել ստորև նշված փաստաթղթերը՝
- անձնագրի պատճեն (JPEG կամ PDF ձևաչափով)
- ինքնակենսագրություն՝ անգլերենով (Microsoft Word ձևաչափով, առավելագույնը 1000 նիշ)
- գունավոր լուսանկարներ՝ ներառյալ մեկ խոշոր պլանով լուսանկար (թվային ձևաչափով առնվազն 300 dpi)
- մասնակցության վճարը հաստատող փաստաթուղթ (օտարերկրյա քաղաքացիների համար)
Հարցերի դեպքում կարող եք գրել հետևյալ էլ. հասցեին
Աշխատանքները գնահատվելու են միջազգային ժյուրիի կողմից (7 անդամ)։
Գնահատման չափանիշներն են՝ գաղափարի խորություն, գեղարվեստական լեզվի ինքնատիպություն, տեխնիկական կատարում և թեմային համապատասխանություն։
Ժյուրին որոշում է մրցույթի հաղթողներին և հատուկ մրցանակակիրներին։
Մրցույթի կազմակերպիչներն իրավունք ունեն մերժելու մասնակցի ներկայացված հայտը՝ մրցույթի կանոններին չհամապատասխանելու դեպքում: Մրցույթն իրավունք ունի դիմորդից պահանջելուանհրաժեշտ լրացուցիչ տեղեկություններ:
Հատուկ նկատառում օտարերկրյա մասնակիցների համար. մրցույթի կազմկոմիտեն կհոգա եզրափակիչ անցած օտարերկրյա քաղաքացիների՝ ճանապարհածախսն ու կացության հետ կապված ծախսերը (թռիչք, հյուրանոց)
- 1-ին մրցանակ` 3000 ԱՄՆ դոլարին համարժեք դրամ, անհատական ցուցահանդես
- 2-րդ մրցանակ՝ 2000 ԱՄՆ դոլարին համարժեք դրամ
- 3-րդ մրցանակ` 1000 ԱՄՆ դոլարին համարժեք դրամ
- Հատուկ մրցանակներ՝ ժյուրիի և կազմակերպիչների կողմից։
Բոլոր մասնակիցները կստանան մասնակցության վկայականներ։
- Աշխատանքների առցանց ներկայացման վերջնաժամկետը՝ 01.07.2026։
- Եզրափակիչ ցուցահանդեսը և մրցանակների շնորհումը՝ 14.11.2026։
Եզրափակիչ փուլում կազմակերպվելու է ցուցահանդես - վաճառք, որի ընթացքում ներկայացված աշխատանքները կարող են վաճառվել։
Վաճառքից ստացված գումարի 50% փոխանցվում է հեղինակին, իսկ 50%` հիմնադրամի կողմից ուղղվում մրցույթի կազմակերպչական և զարգացման ծախսերի ֆինանսավորմանը։
Վաճառքի պայմանները կհաստատվեն կազմակերպիչների և հեղինակի միջև նախապես։
Ցուցահանդես-վաճառքի արդյունքում չվաճառված ստեղծագործությունները հանձնվում են կազմակերպիչների պահպանությանը՝ հետագա վաճառքի կազմակերպման նպատակով: Այդ ընթացքում իրականացված վաճառքից ստացված հասույթը բաշխվում է սահմանված 50/50 համամասնությամբ՝ 50%-ը փոխանցվում է հեղինակին, իսկ 50%-ը տրամադրվում է մրցույթի կազմակերպչական և զարգացման նպատակներին: